مساء الخيرعليكم يا بنات يا حلوين عاملين ايه ان شاء الله تكونوا كويسين فى الحار ده
انا كنت هنزل الاكله دى قبل الكشرى بس ظروفها كده نزلت الكشرى الاول وان شاء الله
تعجبكم ودى مشاركه تانيا فى المسابقه ويارب اكسب ادعوا لى تانيا
هاتى 2كوب عدس اصفر من السوبر ماركت وهاتى العادى عشان فى عدس اصفر هندى
وبعدين اغسلى العدس كويس اوى بالمويه وحطى العدس فى حله على النار ومعاها واحده
طماطمه و4 فصوص ثوم سليم وشويه جزر مقطعه الى مكعبات طبعا ده حسب الرغبه
وسبى الحله على النار لحد ما يستوى العدس ويكون بالشكل ده واضافه ماء كل ما تتشرب المويه
من الحله
وبعد كده حطى العدس فى الخلاط واضربه وصفى العدس فى المصفاه هيكون صافى بدون اى
قشور زى الصوره دى
وبعدين قطعى بصله كبيره قطع صغيره وحطى عليها 2ملعقه سمن كبيره لحد ما البصل تحمر
وتكون بالشكل ده
واضافى العدس الى البصل وطبعالو لقيت العدس تقيل حطى مويه عشان هو المفرد يكون زى
الشوربه زى كده
وفى الوقت ده حطى شويه شعريه فى مقلاه وحطى عليها ملعقه سمن كبيره
وسبى الشعريه تتحمر لحد ما تكون كده
وحطى الشعريه على العدس لحد ما تستوى الشعريه وبعدين حطى الخلطه السحريه من التوابل
ملح وفلفل اسود وكمون كتير شويه وشطه وكزبره ناشفه وبهارات
وسبى الحله على النار لحد ما تكون العدس زى الشوربه خفيف شويه مش تقيل
وتكون الشعريه استوت وده الشكل النهائى للطبق
